بعد ظهور النتيجة لو درجات ابنك مش عاجباك تعمل ايه؟
بعد ظهور النتيجة لو درجات ابنك مش عاجباك تعمل ايه؟
أولا وقبل كل شئ لازم تقول لابنك مبروك وتفرح معاه بالإنجاز اللي حققه حتى ولو بسيط علشان مخه يتعود على الفرح بالنجاح .
بعد كدا لازم تقعد معاه وتفهمه إنك واثق إنه يقدر يبقى احسن من كدا ونتيجته تكون أفضل .
وبعدها تفتح حوار هادئ معاه علشان توصلوا انتم الاتنين لسبب ضعف الدرجات .
وبعد كدا يتم وضع خطة وتعاقد شفهي بينك وبين الابن على الالتزام بالخطة دي للوصول في المستقبل لنتيجة أفضل .
طبعا كل دا إذا كانت قدرات الطفل تساعده فعلا إنه يبقى أحسن لكن لو عنده مشكلة كبيرة فبلاش نضغط عليه بتوقعات تفوق قدراته .
بلاش مقارنات بلاش توبيخ بلاش إشعار بالذنب بلاش لوم وسخرية.
نشجع أبناءنا ونحفزهم ونكافئهم حتى لو كان الإنجاز بسيط علشان نعودهم على الفرحة بالإنجاز الدراسي لأن دا اللي هيولد عندهم الدافع بعد كدا .
د. عاصم حجازي
