جامعات

رساله من طالبه :اوائل الدبلومات في الشارع يا سيادة الوزير

انا دلوقتي ٣ ثانوي فني وجبت ٩١.٨٥٪ ومن الاوائل لحد كده تمام
جالي في بطاقة الترشيح كليه تكنولوجيا الصناعه والطاقه جامعه مصر الدوليه وروحت قدمت وعملت الانترفيو وكنت مبسوطه وقولت اللي فيه الخير يقدمه ربنا واتقبل انا والكل .. دلوقتي محدش اتقبل خالص وعلي كلامهم ان ٥٢ طالب بس اللي اتقبل؟ ايوه فين نسبة الكليه من ٨٠٪ حضرتك يعني ليه نتعشم ونتبسط وفي الاخر ايه مفيش حاجه ندخلها؟
ده غير قلة الأدب بتاعتهم وقال ايه جايبين الشرطه خايفين مننا ومن أولياء الأمور ومش عارفين يتصرفوا ده يدل انكم منظومه فاشله أساساً وكليه فاشله

انا بحمد ربنا ان عمل معايا كده ومتقبلتش علشان اللي جاي كنتو هتطلعو ميتين ام الطالب حسبي الله ونعم الوكيل فيهم
بيقولو ان سبب الرفض علشان محدش عرف يعرف نفسه بالانجليزي؟ 🤣
حضرتك يا دكتور الاكسنت بتاعك بايظ ده اولاً ، ثانياً انا عرفت نفسي مرتين وكنت كويسه وفي الأحسن مني في اللغه وبيتكلم لغات وبرضو اترفض ، ده يدل برضو انكم منظومه فاشله
دلوقتي احنا هنروح فين ده انا وزمايلي من الصبح بنلف على كعوب رجلينا في القاهره علشان نعرف نعمل ايه علشان الكليه مش لاقيه رد لينا
احنا طلعنا على وزاره التعليم العالي قالو ملكوش حاجه عندنا اطلعو على عين شمس مكتب التنسيق هناك ، روحنا مكتب التنسيق قعدو يمطوحونا يمين وشمال لحد م وصلنا قال لا عايز جواب الرفض وتروحو جامعة القاهره تمام روحنا الكليه المقرفه دي تاني واخدنا الورقه ومحدش قدر يتكلم معانا لا وغير كده عايزين نعمل التماس وندخل الانترفيو تاني ونسقط انتو عبط ولا ايه 😂
انا بس دلوقتي محتاجه اجابه انا واللي زيي هنروح فين احنا مش طالبين حاجه غير اننا نعرف بس وهنفضل نتكلم ونتكلم ومش هنسكت

مقالات ذات صلة

اترك تعليقاً

زر الذهاب إلى الأعلى