دواء جديد يقضى تماما على سرطان القولون بنسبة 100%
-تمكن فريق من الأطباء من تحقيق إنجاز غير مسبوق فى القضاء على سرطان القولون باختبار عقار “دوستارليماب” الجديد على 12 مريضا بمتوسط عمر 54 عامًا .
وجاءت نتائج التجارب الأولية للعقار الجديد مطمئنة إلى درجة أصابت الأطباء بالذهول عندما اكتشفوا أن نسبة الشفاء في جميع المشاركين في التجربة كانت ١٠٠٪ مع اختفاء الورم تماما
-الاسم العلمي للدواء دوستارليماب (Dostarlimab) واسمه التجاري جيمبرلي (Jemperli) انتاج شركة جلاكسوسميثكلاين (GlaxoSmithKline)
وهو بروتين مناعي بيحفز الجهاز المناعي لمهاجمة الخلايا السرطانية والقضاء عليها..
وأضاف الاطباء “هذا النوع من سرطان المستقيم أظهر استجابة لعقار دوستارليماب، لذلك سيكون فعالًا كبديل للعلاج الكيميائي، وربما يلغي
الحاجة إلى العلاج بالإشعاع والجراحة
– تم اعطاء الدواء حقنة كل 3 اسابيع لمدة 6 شهور (تكلفة مليون جنيه تقريبا – الحقنة تقترب من 11000 دولار)
-ومازالت الأبحاث مستمرة عليه ومازالت الآمال متعلقة به ولكن لابد من خفض سعره كما فعلوا مع السوفالدي في علاج الفيروس C.
-نحن إذن بصدد طفرة وانقلاب علمي بشري جديد
وعلى أعتاب عصر جديد
في هذه اللحظة المفصلية التاريخية
يستطيع الإنسان
بالعلم
الانتصار في حربه على أخطر مرض على وجه البسيطة والذي أودى بحياة الملايين
وخلف جراحا عميقة في قلوب أسرهم وأحبابهم..
أول دواء فى التاريخ يشفى من مرض السرطان بنسبة 100% !!!!!!!!!! ايوووووووة . زى ما قرات كدة بالضبط . شفاء بنسبة 100%
الدواء المعجزة اللى اسمه Dostarlimab واسمه التجارى الاشهر Jemperli
كعادتنا خلونا نبسط الامور . الدواء آخره Mab يبقى عرفنا انه Monoclonal Antibody وطالما هو جسم مضاد يبقى هايشتغل على جهاز المناعة وبكدة نقدر نقول انه Immunotherapy
ال Antibody محتاج Antigen يشبك معاه . وعشان كدة الدواء بتاعنا النهاردة بيشبك ويرتبط مع مستقبل اسمه PD-1 Receptor وهنا PD اختصار ل Programmed Death والمستقبل ده موجود على سطح T cells . وعشان نفهم آلية عمل الدواء ده بدون تعقيد . يبقى لازم نفهم المستقبل اللى اسمه PD-1 Receptor ده وظيفته ايه بالتحديد ؟؟؟
المستقبل ده بيرتبط مع Ligands وعددهم 2 . واساميهم سهلة جدا واحد اسمه PD-L1 والثانى اسمه PD-L2 . لما ال Ligands سواء 1 او 2 يرتبطوا مع PD-1 Receptor هايمنعوا Proliferation of T cells وهايمنعوا Cytokine Production from T cells وبالتالى هايعملوا Inhibition of the immune System وبكدة خلايا الورم تتكاثر اكثر لان مفيش جهاز مناعة هايقدر يهاجمها .
الدواء بتاعنا بيرتبط بالمستقبل ده وبالتالى بيمنع ارتباط Ligands به وعشان كدة هاتتمكن T cells من التكاثر وزيادة العدد وانتاج Cytokines تهاجم الورم وتمنع تكاثره وانتشاره .
الدواء ده اخد ابروفال 2021 لعلاج سرطان الرحم المتقدم او Recurrent وعامل نتائج زى الفل . وبعدين شافوا ان نطاق عمله ممكن يوسع ويخرج برة الرحم ويشتغل على انواع آخرى من الاورام وخاصة Solid Tumors
قال لك تعالى نجربه على سرطان القولون .
راحوا جابوا 12 مريض سرطان قولون مرحلة ثانية وثالثة . بعضهم عمل جراحة وبعضهم خضع للكيماوى وللاشعاعى بدون فائدة تذكر وما زال الورم متمكنا منهم وبدأ ينتشر الى العقد الليمفاوية ولكن لم ينتشر الى اعضاء اخرى داخل الجسم وجربوا عليهم ال Dostarlimab لمدة 6 شهور .
بعدها مفيش أثر للورم جوة القولون . نيجى نسحب عينة . برضه مفيش ورم . تعالى نعمل منظار . برضه مفيش ورم . تعالى نعمل رنين ونعمل PET Scan وبرضه مفيش ورم الناس دى بيتم متابعتها وأقل مدة متابعة هى 6 شهور بعد العلاج واكثر مدة متابعة هى سنتين وبرضه مفيش ورم ومفيش Recurrence وتم إعلان شفاء ال 12 مريض بالكامل.
طبعا سبق طبى محدش مستوعبه حتى الآن . أول مرة فى التاريخ تحصل المعجزة دى .
الدواء ده بيتاخد وريد فقط . حقنة واحدة 500 مجم كل 3 اسابيع لحد 4 جرعات اما الجرعة الخامسة فما فوق هاتبقى 1000 مجم كل 6 اسابيع . ومفيش اى تعديل للجرعات فى مرضى الكبد ومرضى الكلى .
ممنوع منعا باتا مع الحوامل . واى ست فى سن الانجاب لازم تستخدم وسيلة منع حمل قوية اثناء فترة العلاج ولمدة 4 شهور بعد التوقف عن العلاج اما الستات اللى بترضع فلازم ترضع صناعى وتمنع من اى رضاعة لمدة 4 شهور بعد توقف العلاج .
الاثار الجانبية اللى تم رصدها بسيطة . دوخة – غثيان – قىء – طفح جلدى – هرش ولكن بعض المضاعفات القوية نادرة للغاية ولازم توقف العلاج ساعتها فورا ومن اشهرها Sepsis , SJS وكمان حدوث عدوى وخاصة Respiratory Infection or Urinary Infections
