أليس لكم في تعليم ايران القدوة الحسنة والنموذج الذي يجب اتباعه؟!
كتب/عبدالمؤمن قدر
شكرًا لمدرس الفيزياء
شكرا لمدرس الكيمياء
شكرا لمدرس الجبر
وشكرا لمدرس حساب المثلثات
وشكرا لمدرس الهندسة
وشكرا لمدرسي الرياضيات والعلوم اللي هما أصل وبداية توجه الطلاب للأقسام العلمية في الجامعات الاقسام اللي بتقوم عليها المجتمعات والدول.
التخصصات اللي بتكون سبب في ارتقاء الأمم وقدرتها على الدفاع عن نفسها …. طبعا الكلام ده في ايران مش عندنا 😂
عندنا وزارتنا الغراء عملت نظام تعليم -هو في الأصل واقع وفاشل- يمكن تسميته بنظام البالالام! وسمته البكالوريا اللي محدش فاهم حاجة فيها! حتى مسؤلين الوزارة نفسهم وعلى راسهم متحدثها !
نظام البالالام ده بيجرف العلوم الحيوية الأساسية وعمل منظومة تدريس العلوم والرياضيات سمك لبن تمرهندي ويكأن الوزارة متفقة مع أبليس على هدم المنظومة!
يا جدعان حد يفهمنا يعني ايه النظام الجديد ده وليه أتعمل وليه ناويين على أضعاف البلد! ما تشوفوا ايران وصلت لفين بالتعليم بس بالتعليم يا بشر!
نرجو ان تتفرغ الوزارة للتعليم التعليم وبس مش الابقاء على اموات .
ذكرنابعضهم في مقال سابق بل تخلق الوزارة كيانات موازية للكيان الواحد وكانها بتعمل كذا راس!
فعلى سبيل المثال يقوم” التنين” المجنح مدير وموجه سيده المسؤول الاول في الوزارة بخلق كيانات لادارات حيوية زي شئون المديريات والتعليم الخاص وشؤون العاملين والمكتب الوزير نفسه!
احضر التنين رجالاته من كل حزب وصوب وانشا كيانات موازية اصبحت وزارة موازية وغول يحرق كل اخضر لا يأتي على هوى التنين بتاع الصنايع!
ففي الوقت الذي نرى فيه جميعا انتصار إيران – في حربها ضد أغبى وأقذر قوتين عسكريتان في العالم سارقة أراضي الهنود الحمر ومبيدتهم امريكا وقاتلة ما يقرب من ٣٨ مليون إنسان منذ الحرب العالمية الثانية
وكذا خنازير بني صهيون سارقي الأرض والعرض!
انتصرت ايران بفضل معلم الفيزياء والكيمياء والرياضيات انتصرت لأنها لديها إدارة صحيحة للتعليم وتضع الشخص المناسب في المكان المناسب انتصرت لان ما عندهاش تنين مجنح بتاع صنايع والبخت لحسن حظه مش ضايع! انتصرت علشان شايفة هدفها ومحدداه!
خدو الحكمة من اصحاب العلم خدوها من سنغافورة او ماليزيا او رواندا الأفريقية او حتى الفرس!
اتقوا ربنا بقى
