الثلاثاء القادم بداية المرحله الثالثه ب٥٠٪يدخل فيها ملاحق الثانويه

 طلبة المرحلة الثالثة :
– موقع التنسيق باذن الله بيفتح لكم بعد مرحلة تقليل الاغتراب والمقرر لها تبدأ من الخميس لمدة خمس ايام ، يعني متوقع بدايه المرحلة الثالثة نهاية الأسبوع القادم.
– المرحلة بتفضل مفتوحة لحد نتيجة الدور الثاني عشان زمايلكم اللي عندهم دور تاني . عشان يدخلوا ينسقوا بعد ما يستلموا استمارة النجاح باذن الله.
-الحد الادني للمرحلة الثالثة 50% فيما اعلي .
– المرحلة الثالثة مش بس لطلاب المرحلة الثالثة ، دي خاصة بكل الطلاب اللي لم يتقدموا والمتخلفين عن المراحل السابقة .
– طلبة الدور الثاني اللي مجموعهم مرحله اولي أو تانيه مفيش داعي لاي قلق ، لما هتفتح الموقع هيظهرلك الكليات اللي تناسب مجموعك الكلي ، ( يعني لو جايب ,90% واتاخرت عشان عندك دور تاني هيظهرلك نفس الكليات اللي ظهرت لزمايلك اللي كانوا مرحلة اولي .
– رابط تقليل الاغتراب ورابط التظلمات علي نتيجة الدور الثاني بيفتحلك تاني بنفس قواعد المرة الأولي بدون اي تغيير علي موقع التنسيق .
– الطلبة اللي لم يتم تنفيذ رغبتها في تقليل الاغتراب والتحويل ممكن تدخل تاني لما الرابط يفتح بس متخترش نفس الرغبة اللي رفضت في المره الأولي.
– الطلبة اللي اتقبلت جامعات أهلية أو خاصة ، ومتأكد أن تم تسجيلك ودفعت المصروفات يبقي لا داعي لاستكمال إجراءات التقدم للحكومي اللي جالك جواب التنسيق عليه . ولو لم يتم قبولك أو في شك في قبولك في الخاص يبقي تكمل اجراءتك عادي في الحكومي ، لحد ما تتأكد من قبولك في الخاص او الأهلية .
– التقديم للكليات لما كشوف الطلاب توصل للكليات من مكتب التنسيق بتبتدي الكليات تعلن عن موعد الكشف الطبي وبداية التقديم
كلمة أخيرة : المستقبل بيد الله وحدة واللي بيفرق هو اجتهادك وشغلك علي نفسك وتحسين مستواك ، بصرف النظر عن مكانك سواء كلية أو معهد ، أو خاص او حكومي …
كل امنياتي لكم بالتوفيق