مقالات

صديقي المحترم : مدير مديرية … ما تيجي نجرب

بقلم: سعيد صادق

رئيس الادارة المركزية للإدارة الاستراتيحية

1- ما تيجي نجرب نعمل حلم للتنمية البشرية في المحافظة يرفع من قيمتها الاقتصادية.
2- ماتيجي نجرب يبقي الحلم موصول بالخير اللي عندنا ، يعني لو اثار يبقي سياحة، لو زرع تبقي صناعات غذائية وتصدير، لو ساحل تبقي صيد وسياحة، ولو صناعة تبقي فريدة واسألوا دمياط.
3- ما تيجي نجرب نربط احلامنا ونعملها قطاعات ونربطها بالحلم الكبير
4- ماتيجي نخطط برامج نحقق بيها الحلم، ونحددلها زمن تحقيق ومؤشر لقياس النتائج، ونحسب هيكلفنا كام.
5- ما تيجي نحدد التنمية البشرية والاقتصادية اللي قاصدين نحققها ونحولها لتعليم فني وعام .
6- ويبقي حلمنا جزء من رؤية مصر، وخطتنا لها اهداف استراتيجية بعيدة المدي، وسنوية و اللي هنبني فيها برامجنا التفيذية، وتكلفتها هتبقي موازنة برامج، وربط الاحلام ببعضها يبقي هو برنامج متكامل للحكومة.
علي فكرة دا سهل جدا تحقيقه :
مدير التعليم
ومدير الشباب والرياضة ومدير الثقافة
ومدير التضامن
ومدير الزراعة
ومدير الصناعة
ومديري الازهر
ومسئولي الكنائس
وكل الجهات المعنية يتجمعوا بقيادة السيد المحافظ علي طاولة واحدة ، ويضعوا خطة استراتيجية للمحافظة بعيدة المدي ( خمس سنوات )، ومنها خطط تنفيذية لكل مديرية من السابق الاشارة اليهم واللي طاولة الاجتماعات هتنور بهم كل شهر وكل واحد يعرض اللي قدر ينفذه ايه من خطته، وايه اللي مقدرش ينفذه، وليه مقدرش ، والباقي يساعده في تحقيق اعلي معدل تنفيذ، اكيد دا هيبقي في مصلحة التعليم والصحة والثقافة والتضامن …
والانسان المصري والتنمية البشرية
والتنمية الاقتصادية
من الاخر هيبقي في مصلحة مصر

مقالات ذات صلة

اترك تعليقاً

زر الذهاب إلى الأعلى