التابلت وصل مخازن مديريه التربيه والتعليم بالقاهره من ايام استعدادا لتوزيعه علي ال٣٣ اداره

📌الأوراق المطلوبة لاستلام التابلت:
_____________””””””__________
١-صورة من شهادة ميلاد الطالبه .
٢-صورة بطاقة ولى الامر .
٣-ايصال تأمين التابلت الأصل +٢صوره منه (فى البريد).
٤-صورتين من إيصال المصروفات الدراسية.
٥-اقرار تسليم التابلت (من المدرسه).
⛔ملحوظة هامة
نرجو تحضير الأوراق المطلوبة لحين الاعلان عن تسليم التابلت بالمدرسة.
⛔ تحذير هااام
لكل ولي أمر او طالب في أولى ثانوي
👇👇👇👇
لما حضرتك تدفع ال 100 جنيه في البريد وتاخد الوصل وتروح المدرسة علشان تستلم
ركز ركز ركز ارجوووووك
١_ التحذير الأول:
انه يكون “السريال نمبر” اللي قدام اسم الطالب في الكشف
لازم يكون هو هو “السريال نمبر” اللي على علبة التابلت
ولازم يكون هو هو “السريال نمبر” اللي على الجهاز نفسه
دي اهم حاجة عند الإستلام وقارن الأرقام بنفسك
ليه بقى …..
لأن السريال نمبر دة هو اللي هينزل لابنك الامتحان عليه .. ولو مختلف في الكشف عن الجهاز هينزل لابنك امتحان مش بتاعه ودرجة مش بتاعته
وامتحانه هيروح لزميل آخر والكارثة دي مش هتحسوا بيها إلا في الثانوية العامة
٢_ التحذير الثاني :
الطالب لما يستلم الجهاز لازم يتأكد إن
🔷الكاميرا مش شغالة لا امامية ولا خلفية ..
🔷وان البلوتوث مش شغال ..
🔷ولا السيم كارت شغال
الثلاث حاجات دول لو شغالين ترجع الجهاز لأن دة معناه ان الجهاز خارج المنظومة والطالب مالوش امتحان
يعني محدش يعمل مفتح وياخد الجهاز عند أي محل ويقوله شغلي الكاميرا ولا الخط
كدة انت بضيع نفسك والجهاز بيخرج من السيستم